Өзбекстанда 65 жаш курагында «Эрк» демократиялык партиясынын мүчөсү, Өзбек ССРинин Жогорку Кеңешинин мурдагы депутаты жана Мубарек шаарынын экс-мэри Мурад Жураев каза болду.
Ташкенттик көз карандысыз журналист Абдурахман Ташановдун айтымында, Мурад Жураев 4-декабрда түшкү тамак ичип жаткан маалда күтүүсүздөн каза болгон.
Акыркы айларда Жураев дарылануу үчүн Германияга барууга даярдык көрүп жүргөн. Ал бийликтин өлкөдөн чыгууга уруксатын дээрлик эки жыл күтүп, өлкөдөн чыгуу визасын быйыл 7-октябрда гана алган.
Эгемен Өзбекстандын тарыхында эң узак мөөнөт (20 жылдан ашык) абакта отурган Мурад Жураев 2015-жылы 12-ноябрда эркиндикке чыккан. Туугандары анын дарыланышы керектигин айтып келишкен.
1995-жылы Өзбекстандын Жогорку соту Мурад Жураевди бийликти күч менен басып алуу аракетине күнөөлүү деп таап, аны 12 жылга эркинен ажыраткан. Өзбек бийлиги ар жолу анын камактагы мөөнөтү бүтөйүн деп калганда түрдүү шылтоолор менен кошумча мөөнөт берип келишкен.
Булак: “Борбор Азия жаңылыктар кызматы”
КОММЕНТАРИЙ КАЛТЫРУУ