Ош-Айдаркен жолунда кезектеги унаа кырсыгы катталды. Бул туурасында ӨКМдин басма сөз кызматы билдирет.
Маалыматка ылайык, Баткен облусунун Кадамжай районунда 2017-жылдын 4-декабры күнү саат 08:50дө Ош–Айдаркен унаа жолунун 129-чакырымында “Мерседес-Бенц спринтер” үлгүсүндөгү мамлекеттик № В 87 13 АК унаанын айдочуусу рулду башкара албай, оодарылып кеткен.
Автоунаанын ичинде 14 жүргүнчүсү болгон. Кырсыктын кесепетинен 3 жүргүнчүсү Кадамжай райондук ооруканасына түшкөн, абалдары каанаттандыраарлык. КР ӨКМнин Баткен шаарындагы 3-өзүнчө издөө-куткаруу отрядынын куткаруучулары кран чакырышып, оодарылып калган автоунааны тургузуп беришкен.
КОММЕНТАРИЙ КАЛТЫРУУ