Журналисттер жана укук коргоочулар Казакстан сенатын маалымат жана байланыш маселелери боюнча мыйзам топтомуна киргизилип жаткан өзгөртүүлөрдү артка кайтарууга чакырышууда. Алардын пикиринде, документтеги айрым пункттар журналисттик ишмердүүлүккө тоскоолдук жаратат.
«Адил сөз» уюму жарыялаган кайрылууда активисттер Казакстандын Маалымат жана байланыш министрлигинин ММК жөнүндө жаңы мыйзам иштеп чыгуу демилгесин колдошкон.
Парламент мажилиси таратынан 22-ноябрда колдоо тапткан мыйзам долбоорунда журналисттер маалыматтын аныктыгын суроо жиберүү аркылуу текшерүүгө, ошондой эле макалада аты аталган адамдардын жеке, үй-бүлөлүк, банктык жана башка сырларын жарыялоо үчүн алардын макулдугун алууга милдеттендирилет. Жергиликтүү укук коргоочулар буга макул эмес.
Булак: “Борбор Азия жаңылыктар кызматы”
КОММЕНТАРИЙ КАЛТЫРУУ