Бүгүн, 19-декабрдын түнүндө Бишкектин Биринчи май райондук соту КР Жогорку Кеңешинин “Ата Мекен” фракциясынын депутаты Алманбет Шыкмаматовго өз өкүмүн угузду.
Сотко төрагалык кылган Айбек Эрнис уулу депутат Алманбет Шыкмаматовдун күнөөcү толук далилденди деп эсептейт, ошондуктан Шыкмамтовго 5 миллион сом айыппул салууга өкүм чыгарат.
Бийлик Алманбет Шыкмаматовду 2011-жылы КР Эсеп палатасынын аудитору болуп иштеп турганда кызмат абалынан кыянаттык менен пайдаланып, өзүнүн аялынын баасы 10 миң долардык “Мерседес” үлгүсүндөгү машинасын Эсеп палатасына баасын жогорулатып,14 миң долларга сатып, мамлекетке 4 миң доллардан ашык зыян келтирген деп айыптап келаткан болучу.
КОММЕНТАРИЙ КАЛТЫРУУ