Жогорку Кеӊештин Эл аралык иштер, коргоо жана коопсуздук боюнча комитети КР Өкмөтү менен Эл аралык өнүктүрүү ассоциациясынын ортусундагы “Кыргызстанда табигый кырсыктардын тобокелдигине туруктуулукту жогорулатуу” долбоорун даярдоого карыз берүү жөнүндө макулдашуу катты жактырды. Бул туурасында ЖК басма сөз кызматы билдирет.
Ратификациялык мыйзам долбоорунун негизги максаты “Кыргызстанда табигый кырсыктардын тобокелдигине туруктуулукту жогорулатуу” долбоорун тыкыр иштеп чыгуу үчүн инвестициялык долбоордун жалпы көлөмүнөн 3 млн долларды карыз катары ала туруу болуп саналат.
Белгилей кетсек, 2017-жылдын 3-июлунда Дүйнөлүк Банк жана кызыкдар министрлик жана ведомстволору менен биргеликте иштелип чыккан «Кыргызстанда табигый кырсыктардын тобокелдигине туруктуулукту жогорулатуу» долбоорунун концепциясы жактырылган.
Жаӊы курулган көп мектептер менен медициналык мекемелер табигый кырсыктан бузулуп жатканын эске салган депутат Улугбек Ормонов кооптуу жерлерге социалдык объектилерди курган аткарминерлерди жоопко тартуу керектигин баса белгиледи.
Ал эми тармактык комитеттин төрагасы Исхак Пирматов адамдардын өлүмүнө себепкер айрым кызмат адамдары сөгүш алуу менен жоопкерчиликтен кутулуп кетип жатканын айтып, жоопкерчилик чараларын катаалдаштыруу зарылдыгын билдирди.
КОММЕНТАРИЙ КАЛТЫРУУ