Menu

Тажикстанда эки банкты банкроттон сактап калуу аракети уланууда

Бөлүшүү:

Тажикстан өкмөтү коммерциялык банктардагы абалды жакшыртуу үчүн жумушчу топ түздү. Топту  парламенттин экономика жана каржы комитетинин башчысы Шариф Рахимзода жетектейт.

Буга чейин Каржы министрлиги менен Улуттук банк коммерциялык банктарды каатчылыктан алып чыгууга аракет жасаган. Бирок 2 млрд сомони (340 млн доллардан ашуун) бюджети бар кредиттик мекемелердин абалын жакшыртуу боюнча программа өз натыйжасын берген эмес.

Жумушчу топ «Агроинвестбанк» менен «Тоджиксодиротбанкты» каржылык каатчылыктан алып чыгуу боюнча иш алып барат.

Бюджеттеги акчанын аздыгына байланыштуу банктарга кошумча каражат бөлүү мүмкүн эмес. Буга байланыштуу эки банктын Салык кызматына болгон карыздарын жоюу сунушталууда. Бул эки банктын негизги акционери мамлекет болуп эсептелет.

Тажикстан президенти Эмомали Рахмон 22-декабрда парламентке кайылуу жолдоп, экономиканын өнүгүшүнө банк системасындагы көйгөйлөр тоскоол болуп жатканын айткан. Анын пикиринде, Тажикстандын банк түзүмдөрүндө атаандаштык жок.

Булак: “Борбор Азия жаңылыктар кызматы”

Эгер бул тексттен ката таап калсаңыз, ошол ката сөздү белгилеп, Ctrl+Enter кнопкаларын чоогу басуу менен билдирип коюңуз.

КОММЕНТАРИЙ КАЛТЫРУУ

Төмөндө көрсөтүлгөн уячаларга керектүү маалыматтарды туура киргизгениңизди текшериңиз.HTML-код киргизүүгө уруксат жок.

Captcha 9 + 1 =

ОКШОШ МАКАЛАЛАР

Меню

Орфографиялык ката тууралуу Отчет

Редакцияга төмөнкү текст жөнөтүлөт: