Милиция экс-баш прокурор, учурдагы депутат Аида Салянованын инисин өлтүрдү деп шектелген адамды кармады. Улан Саляновду 6-ноябрь күнү өз үйүнөн атып кетишкен.
ИИМдин басма сөз кызматынын билдиргенине караганда, шектүүнү кармоо иши 27-декабрь күнү кечинде жүргүзүлгөн. Аны кармаган учурда жанында номерлери өчүрүлгөн “Макаров” пистолети жана үч магазин патрондору болгон.
“Алынган куралдар экспертизага жөнөтүлдү. Кармалган жаран мойнуна алуу көрсөтмөлөрүн берип жатат”, – деп маалымдашты ИИМдегилер.
Кармалган 31 жаштагы жаран Бишкек шаарынын жашоочусу болот. Ал Бишкек ИИББинин убактылуу кармоочу изоляторуна киргизилди. Учурда милиция кызматкерлери кылмышка шектүү калган адамдарды издөө менен алек.
КОММЕНТАРИЙ КАЛТЫРУУ