Бишкекте 18 жаштагы жаран тоноого шектелип кармалды. Бул тууралуу ИИМдин басма сөз кызматы маалымдады.
Ага ылайык, Бишкек шаарынын Октябрь РИИБине Бишкек шаарынын тургуну аны белгисиз адам токтотуп, коркутуу жолу менен 16 миң сомдук уюлдук телефонун тартып алганын айтып кайрылган. Бул факты боюнча иликтөө иштери жүргүзүлүп, шектүү катары 18 жаштагы А.Ы. аттуу жаран кармалган.
Азыр ага кылмыш иши козголуп, убактылуу кармоочу жайга жеткирилди.
КОММЕНТАРИЙ КАЛТЫРУУ