Ташкенттеги «Абу Сахий» базарын кайра түзүп чыккандан кийин 15 күндө мамлекеттик бюджетке 35 миллиард (3,4 миллион доллар) сум түштү. Ага чейин бир айлык көрсөткүч 5 миллиард сум болгон. Бул тууралуу өзбек президенти Шавкат Мирзиёев Ташкент облусуна жасаган иш сапары учурунда билдирди.
Өткөн жылдын соңунда «Абу Сахий» дүң базары «Тошкент ипак йули» болуп өзгөртүлгөн.
«Абу Сахий» 2006-жылы Өзбекстандын биринчи президентинин күйөө баласы Тимур Тилляев тарабынан негизделген. Ал импорттук товарларды ташуу менен алектенген Өзбекстандагы ири компанияга айланган.
Ислам Каримовдун башкаруусу учурунда ушундай эле ат менен Ташкенттин батыш бөлүгүндө ири дүң базары ачылган. Ал өзбек борборун гана эмес республиканын бардык аймактарын импорттук товарлар менен камсыздап турган.
«Абу Сахийге» башка киши ээлик кылары тууралуу маалымат 2017-жылы 14-декабрда маалымдалган. Тимур Тилляевдин америкалык адвокаты бул кабарды тастыктаган.
Булак: “Борбор Азия жаңылыктар кызматы”
КОММЕНТАРИЙ КАЛТЫРУУ