Ооба, мамлекеттер аралык маселеде өтө кылдат болушубуз керек. Бирок, бүтүндөй мамлекетке, анын элине башка мамлекеттин бийлигинин бийик бутагында олтургандар сөз тийгизсе, ар нерсени дөөрүй берсе эмне кылуу керек? Билесиздер, орустардын Владимир Жириновский деген аңги-дүңгү саясатчысы бар эмеспи. Ар нерсени дөөрүй бергенинен Кыргызстанга кирүүгө ага тыюу салынганы бар. Ичинде ириген кеги калганбы айтор ошол айтыптыр, Кыргызстандын Ысык-Көлүн бизге 99 жылга арендага берип карызын төлөсүн деп. Сүйлөйт деп эле, оозуна келгенди сүйлөй береби? Мындайларды кыргыздар: «Ириген ооздон чириген сөз чыгат» деп таамай айтып койчу эле… Мамлекеттик ар-намыс, улут коопсуздугу деген нерселерди эске алганда жиниккен Жириновскийге карата чара көрүлбөсө дагы канчага чейин дөөрүй берет? Ааламдын тынчтыгын бузуп, ар кандай кырдаалдарга түрткөн кырдаалдар так ушундай айлампаш, акылсыздардын айынан чыгат эмеспи. Улуу орус эли даанышман элдерден деп келебиз. Жирикке окшогон тентектерин тескеп койсо жакшы болот эле…
Булак: Де-Факто
КОММЕНТАРИЙ КАЛТЫРУУ