Америкалык ишкер Билл Гейтс идеалдуу жана продуктивдүү уйларды жаратуу үчүн 40 миллион доллар жумшады. Business Insider басылмасы кабарлагандай, акча генетикалык иликтөө үчүн GALVmed уюмуна берилди.
Гейтстин айтымында, жаңы уй катардагы уйлардай эле сүт берет, бирок ысыкка чыдамдуу болот. Уйдун жаңы түрү планетанын эң кедей аймактарындагы жашоо деңгээлин жогорулатууга көмөктөшөт. Генетикалык өзгөрүүлөрдүн жардамы менен мал азыркыдан продуктивдүү болот деп эсептейт ишкер.
Билл Гейтс дүйнөдөгү ири Билл жана Мелинда Гейтс кайрымдуулук фондунун негиздөөчүсү. Ишкер кедей аймактардагы ооруларга каршы күрөшүү, вакциналарды иштеп чыгуу жана жашоо деңгээлин көтөрүү үчүн бир нече жолу өз эсебинен акча бөлгөн.
Булак: “Борбор Азия жаңылыктар кызматы”
КОММЕНТАРИЙ КАЛТЫРУУ