Ош базарындагы чыккан өрттөн 118 соода түйүнү жана “Берекет” соода борборунан 10 соода жайы күйдү. Бул тууралуу Өзгөчө кырдаалдар министрлиги маалымат таратты. Маалыматтарга ылайык, өрттүн жалпы аянты 3500 чарчы метрди түздү. Өртөннгөн жайда кийим-кечектердин кайсы бир бөлүгүн чыгарып кеткени менен баарын алып чыгууга толук үлгүрө алышкан жок. Айрым соодагерлер келтирилген чыгымды базар жетекчилиги төлөп берет деген үмүттө турат. “Бүлүнгөндөн бүчү алба” деген жакшы макалабыз бар. Бирок учурадан пайдаланып, каптап товар кымтып кеткен мародерлор да болбой койгон жок.
Булак: Азия Ньюс
КОММЕНТАРИЙ КАЛТЫРУУ