“Кумтөр” кени ачылып иштей баштаган 18 жылдын ичинде “Центерра” 320 тонна алтынды алып чыгып кетиптир. Акчалай баасы 10 миллиард 794 миллион 123 миң 520 долларды түзөт экен. Биздин мамлекеттин сому менен алганда 732 миллиард 920 миллион 987 008 сом болоорун маалымат булактары жазып чыгышты. Кыргызстан жалпы казылган алтындын 10/1 эле бөлүгүн алган. Натыйжада «Центерра» кыргыз мамлекетине жарыбаган мизердик үлүш берген. Анын дагы азын бюджетке себелемиш болгон чоңдор, көбүн элге жеткирбей сиңирип кеткенин эске алганда, «Кумтөрдөн» мамлекет, эл пайда көрбөптүр. Учурда «Центерра» «Кумтөрдүн» калган-каткан кырмычыгын кырып, кемирип жатат. Өз байлыгына өзү ээ боло албаган мамлекет дагы мамлекетпи? Өз элин тоногон шумпайлардан кутулбаса, кыргыз эли шордон арылбай калды го… Акыры эртеби-кечпи «Кумтөр» афёрасына аралашкандардын баарын жазалай турган күн келет..
Булак: Фабула
КОММЕНТАРИЙ КАЛТЫРУУ