«Глобалдык өнүгүү» аттуу бейөкмөт уюм Кытайдан эсепсиз карыз алган дүйнөдөгү сегиз өлкөнүн тизмесин чыгарган. Алар: Жибути, Кыргызстан, Лаос, Мальдив аралдары, Монголия, Монтенегро, Пакистан жана Тажикстан экен… Жакынкы эле күндөрү Тажикстандын 1500 кв/км жерин көз ирмемде Кытай алып, бир сутканын ичинде зым тор менен заматта курчап салышты. Ал жерде жүргөн чала кыргыз, чала тажиктин баарына «кааласаңар өз мамлекетиңерге кеткиле, кааласаңар жашай бергиле» деген талаптарын коюшту… Келечекте элибиздин башына да мүшкүл түшпөйбү? Кытайга болгон бул ири карызыбыз менен бизди эртең кандай күндөр күтүп турат?
– Тескери ойдомун! Негизи карыз алганга каршымын. Кыргызстан карызсыз өнүгө ала турган бай өлкө. Мамлекетти карызга батыруу ички мүмкүнчүлүктөрдү көрө албаган, колдоно албаган өкмөттүн алсыздыгын көрсөтөт. Өтө жаман жагы – карыздын аягы келип мамлекеттин бүтүндүгүнө, суверендүүлүгүнө чоң коркунуч алып келет. Кытай карызы менен артынан кытай жарандары каптап кетти, бул 4 миллион кыргыз үчүн өтө кооптуу жагдай. Экономикалык демографиялык аягы келип, саясый тымызын экспансияга алып баратат!
Булак: Азия Ньюс
КОММЕНТАРИЙ КАЛТЫРУУ