Menu

АКШда айдоочусуз автоунаананы сыноо маалында жөө жүргүнчү мерт болду

Бөлүшүү:

Uber компаниясы адам өмүрүн алган жол кырсыгынан кийин АКШнын бардык шаарларында өзү жүргөн автоунааларын сыноону токтотту. Дүйшөмбүдө Аризона штатынын Темпе калаасында дал ушундай машина жолдо бараткан аялды сүзүп кеткен.

Компания окуяны иликтөөдө штат бийлиги менен кызматташып жатканын билдирди. Бир жыл мурун Volvo үлгүсүндөгү жол тандабас Аризонада аласалып кеткенден кийин дагы Uber робот-унааларын сыноону токтотконун жарыялаган.

Компания башчысы Дара Хосроушахи трагедиялуу окуяга терең кайгырып жатканын маалымдады.

Башка компаниялар иштеп чыккан өзү жүргөн автоунаалар дагы мурун жол кырсыгына кабылган. Google корпорациясына таандык машина 2016-жылы автобус менен кагылышкан, бирок жабыркагандар болгон эмес.

Apple жана Tesla сыяктуу бир катар компаниялар айдоочусу жок жүргөн автоунааларды иштеп чыгуу аракетинде.

Булак: “Борбор Азия жаңылыктар кызматы”

Эгер бул тексттен ката таап калсаңыз, ошол ката сөздү белгилеп, Ctrl+Enter кнопкаларын чоогу басуу менен билдирип коюңуз.

КОММЕНТАРИЙ КАЛТЫРУУ

Төмөндө көрсөтүлгөн уячаларга керектүү маалыматтарды туура киргизгениңизди текшериңиз.HTML-код киргизүүгө уруксат жок.

Captcha 99 − 91 =

ОКШОШ МАКАЛАЛАР

Меню

Орфографиялык ката тууралуу Отчет

Редакцияга төмөнкү текст жөнөтүлөт: