Чүй облусунун Кара-Балта шаарында 15 жаштагы мектеп окуучусун поезд сүзүп, ал ооруканада көз жумду. Чүй ОИИББнин басма сөз кызматынын маалыматына караганда, кырсык 17-март күнү болгон. Кара-Балта шаарындагы темир жолго чуркап чыга калганда поезд сүзүп кеткен. Жыйынтыгында, 15 жаштагы өспүрүм оор абалда Жайыл райондук ооруканасына жеткирилген. Ал 18-март күнү ооруканада көз жумган. Учурда аталган факты боюнча тергөө иштери жүрүп жатат.
Булак: Азия Ньюс
КОММЕНТАРИЙ КАЛТЫРУУ