Боюнда бар аялга ыдык көрсөтүшкөн кызыл шапкечендерге кылмыш иши козголду. Башкы прокуратура Ош шаардык ички иштер башкармалыгынын бир катар кызматкерлеринин үстүнөн бойкат аялга ыдык көрсөтүшкөндүгү үчүн кылмыш ишин козгоду.
– Көзөмөл органы Н. Р. атуу жарандын мурда Ош шаардык прокуратурасына даттанган арызын кен-кесири иликтеди. Анткени, Ош шаардык ички иштер башкармалыгынын бир катар кызматкерлери бойкат аялга милициянын подполковниги Таирбек Уларовдун өлтүрүүгө катышканы жөнүндө маалымат алуу максатында 2017-жылдын мартында аны “Ак-Буура” милиция бөлүмчөсүнө алып келишип, түнкү саат 5.30га дейре мыйзамсыз кармашкан.
Натыйжада, келин боюндагы баласынан ажыраган,- дейт Башкы прокуратуранын өкүлү. Ушул тапта аталган келин депрессияга дагы кабылган. Баса, милициянын подполковниги Таирбек Уларовдун жансыз денеси 2017-жылдын мартында Оштун райондорунун биринде өз машинасынын ичинде табылган.
Булак: “Майдан“
КОММЕНТАРИЙ КАЛТЫРУУ