Жел кайсы тараптан соксо, ошол тарапка жалп эткен саясий серепчилер бар. Бийликтин көзүн карап, ошол жактан кандай көрсөтмө же белги берилсе, тажабастан, анан эң негизгиси уялбастан тамактары кургап калганча обон созушат. Кечээ бирди, бүгүн бир-ди айтып жатам, элге шерменде болдум го деп ойлошпойт. Дал ушундай серепчилердин кеч башында Бакыт Бакетаев деген эргул турат. Коомчулук деле бул адамдын күн тийген жердин күкүгү болгон чыныгы жүзүн жакшы билип бүтүштү. Буга дейре экс-президент Алмазбек Атамбаевдин жүргүзгөн саясатын мактап түгөтө алчу эмес эле, бүгүн короосуна таш ыргытып, Сооронбай Жээнбековдун арыгын чаап шымаланып жүрөт. Жеңден кончко куюлган анык эр экен. Өкүнүчтүүсү, эл башчылары ушундай белимчилердин сөзүнө эрип-эпчип, ишенип алышканына күйөсүң да…
Булак: “Фабула”
КОММЕНТАРИЙ КАЛТЫРУУ