Кыргыз Республикасынын Президенти Сооронбай Жээнбеков бүгүн, 20-апрелде Кыргыз Республикасынын Конституциясынын 84-беренесинин 5-бөлүгүнө ылайык, Кыргыз Республикасынын Өкмөт мүчөлөрүн дайындоо тууралуу Жарлыктарга кол койду.
Мамлекет башчысынын Жарлыктарына ылайык:
Мукамбетов Мурат Картайбекович мурда жүктөлгөн милдеттерин аткаруудан бошотулуп, Кыргыз Республикасынын Өкмөтүнүн Аппаратынын Жетекчиси – министри болуп дайындалды;
Абдылдаев Эрлан Бекешович мурда жүктөлгөн милдеттерин аткаруудан бошотулуп, Кыргыз Республикасынын тышкы иштер министри болуп дайындалды;
Джунушалиев Кашкар Астаканович Кыргыз Республикасынын ички иштер министри болуп дайындалды;
Абдылдаева Айнур Нуралиевна мурда жүктөлгөн милдеттерин аткаруудан бошотулуп, Кыргыз Республикасынын юстиция министри болуп дайындалды;
Касымалиев Адылбек Алешович мурда жүктөлгөн милдеттерин аткаруудан бошотулуп, Кыргыз Республикасынын финансы министри болуп дайындалды;
Панкратов Олег Михайлович Кыргыз Республикасынын экономика министри болуп дайындалды;
Мурашев Нурбек Мурпазылжанович мурда жүктөлгөн милдеттерин аткаруудан бошотулуп, Кыргыз Республикасынын айыл чарба, тамак-аш өнөр жайы жана мелиорация министри болуп дайындалды;
Калилов Жамшитбек мурда жүктөлгөн милдеттерин аткаруудан бошотулуп, Кыргыз Республикасынын транспорт жана жолдор министри болуп дайындалды;
Мирзахмедов Нурболот Сабиржанович Кыргыз Республикасынын өзгөчө кырдаалдар министри болуп дайындалды;
Кудайбердиева Гульмира Каримовна мурда жүктөлгөн милдеттерин аткаруудан бошотулуп, Кыргыз Республикасынын билим берүү жана илим министри болуп дайындалды;
Чолпонбаев Космосбек Сариевич Кыргыз Республикасынын саламаттык сактоо министри болуп дайындалды;
Жумагулов Султанбек мурда жүктөлгөн милдеттерин аткаруудан бошотулуп, Кыргыз Республикасынын маданият, маалымат жана туризм министри болуп дайындалды;
Исакунова Таалайкүл Базаркуловна мурда жүктөлгөн милдеттерин аткаруудан бошотулуп, Кыргыз Республикасынын эмгек жана социалдык өнүктүрүү министри болуп дайындалды;
Кадыркулов Идрис Анарбекович мурда жүктөлгөн милдеттерин аткаруудан бошотулуп, Кыргыз Республикасынын Улуттук коопсуздук мамлекеттик комитетинин төрагасы болуп дайындалды;
Тердикбаев Эрлис Джекшенович Кыргыз Республикасынын Коргоо иштери боюнча мамлекеттик комитетинин төрагасы болуп дайындалды;
Рыскулов Уланбек Дуулатович мурда жүктөлгөн милдеттерин аткаруудан бошотулуп, Кыргыз Республикасынын Өнөр жай, энергетика жана жер казынасын пайдалануу мамлекеттик комитетинин төрагасы болуп дайындалды;
Шаршембиев Бакыт Нуржанович Кыргыз Республикасынын Маалыматтык технологиялар жана байланыш мамлекеттик комитетинин төрагасы болуп дайындалды.
КОММЕНТАРИЙ КАЛТЫРУУ