Видео – Өзбекстанда окуучуну бут кийим менен сабаган мугалим иштен алынды

Ургенч кесиптик автожол колледжинин биология мугалими Зебо Нафасова 17 жаштагы окуучу Мухаммед Жуманазаровду сабакты көп калтырганы үчүн урушуп, бут кийими менен бет талаштыра бир нече жолу чапканы видео түшүп калган. Текшерүүлөрдөн кийин видеоматериал 12-апрелде тартылганы аныкталган.

Өзбекстандын Жогорку жана атайын орто билим берүү министрлиги “окуучуну бүтүндөй класс алдында мазактаган мугалим” иштен алынганын билдирди.

https://www.youtube.com/watch?v=FnpIjAgTfR0&feature=youtu.be

17 жаштагы Мухаммед Жуманазаровдун туугандарынын бири өспүрүмдүн апасы мугалимди күнөөлөбөй турганын айтты. “Бала окусун, адам болсун деп каалагандыктан, ал ушундай кадамга барды, – деди сабалган окуучунун тууганы.

Хорезм облус акимчилигинин Аялдар комитетинин кызматкерлеринин бири окуучуну сабаган күнү Зебо Нафасова стресс абалында жүргөнүн, буга чейин күйөөсү маңзат соодасына айыпталып кармалганын маалымдады. “Кандай болгон күндө да, мугалим окуучуга кол көтөрбөшү керек”, – деди ал.

Булак: «Борбор Азия жаңылыктар кызматы»