Жалал-Абад шаарындагы “Жеңиш” паркында Радияциялык кырсыктардын жана апааттардын курмандыктарын эскерүүнүн эл аралык күнүнө жана Чернобыль атомдук электр станциясындагы кыйроонун 32 жылдыгына арналган иш-чара 26-апрелде болуп өтөт. Бул тууралуу шаар мэриясынан билдиришти.
Мэрия тарабынан атайын чыгарылган буйрук аркылуу иш-чараны уюштуруу комитети түзүлүп, зарыл даярдык иштерин аткаруучулар белгиленген. Ал эми шаар мэриясы тарабынан жалпы иш-чарага 26 миң сомго жакын каражат бөлүнүп, Чернобыль апаатынын 24 катышуучусуна 700 сомдон, апааттан улам курман болгон же майып болгондордун 3 үй-бүлөсүнө материалдык жардам катары 2000 сомдон берилмекчи.
Эскерте кетсек, жыл сайын Жалал-Абад шаарында Чернобыль апаатына байланышкан атайын иш-чаралар уюштурулуп, шаар мектептеринде ачык сааттар өткөрүлөт. Чернобыль апаатынын катышуучулары менен жолугушуулар уюштурулат.
КОММЕНТАРИЙ КАЛТЫРУУ