Шымкент шаарынын Абай райондук соту 3-майда “Жалаа жабуу” беренеси боюнча айыпталып жаткан журналист Динара Бекболаеваны актады.
Отурумга журналистке каршы арыз берген “Мемлекет Туы” коомдук бирикмесинин өкүлдөрү келишкен жок.
Сот жараяны учурунда Бекболаева жана анын адвокаты Дауренбек Момбаев арыздануучулар далил келтире алышпаганын, экспертиза учурунда макалада жалган жалаа тууралуу сөз болгону аныкталбаганын билдиришти.
Сот Динара Бекболаеваны актаган өкүм чыгарды.
2-мартта “Мемлекет Туы” коомдук бирикмесинин төрагасы Сүйүн Абдула журналистти “Түштүк Казакстан облусунун акимчилиги Габидулла Абдрахимовду каралоо үчүн акча төлөгөнбү?” деген Ratel.kz сайтында чыккан макаласы үчүн сотко берген.
Мындан соң материал психология-филологиялык экспертизадан өтүп, Сүйүн Абдуланын аброюу менен кадыр-баркына доо кетире турган маалымат болгон эмес деген кортунду чыгарылган.
Булак: “Борбор Азия жаңылыктар кызматы”
КОММЕНТАРИЙ КАЛТЫРУУ