Поезд жана автомобиль каттамдарынын коопсуздугун камсыз кылуу максатында 4-июндан тартып, 8-июнга чейин Бишкек-Нарын-Торугарт автомобиль жолунун Боом капчыгайындагы 122 чакырымында таштарды күч менен кулатуу иштери жүргүзүлөт, – деп “Кыргыз темир жолу” мамлекеттик ишканасынын басма сөз кызматы маалымдады.
Таштарды кулатуу иштери автомобиль жана темир жол каттамдарына олуттуу коркунуч жаратат. Андыктан, 4-июндан тартып, 8-июнга чейин аталган багыт боюнча Ички иштер министрлигинин жол коопсуздугун камсыз кылуу Башкармалыгы тарабынан саат: 9-00 дөн 15-00 гө чейин автомобиль жолу маал-маалы менен жабылып турат.
Автомобиль жолунда 30-40 автомашина чогулуп калса таштарды кулатуу иштер токтотулуп, автомобилдер өткөрүлүп турат.
Эскерте кетсек, таштарды кулатуу иштери күндүзү күн ачык мезгилде гана жүргүзүлөт.
Жүргүнчүлөргө келтирилген ыңгайсыздыктар үчүн алдын-ала кечирим сурайбыз жана түшүнүү менен кабыл алуусун суранабыз.
КОММЕНТАРИЙ КАЛТЫРУУ