Кыргызстандын Баткен облусунун Тажикстан Республикасы менен чектешкен аймагындагы ар бир кыймыл-аракет мындан ары видео каттагычка түшүрүлөт. Анткени, чек ара аймагындагы талаш-тартыштуу учурларды, чырлуу маселелерди териштирүү маалында чыныгы далил менен болуусу үчүн эл аралык уюмдар чек ара кызматкерлерин заманбап видеотехника менен камсыз этишти.
– Ооба. Чек арада чыр-чатак катталган маалда кайсы тараптан тартип бузуу катталгандыгын ырастоо абдан кыйынга турган. Мындан ары аталган видеокаттагычтар ушунун баарын жазып турат.
Жыл башынан бери кыргыз-тажик чек арасында эки ирет чыр катталды. Анда кайсы тарап чек ара тартибин бузгандыгын аныктоо чоң кыйынчылык жаратты. Ушул тапта эл аралык уюм тарабынан келген 77 даана чакан видеокамераны дал ушул кыргыз-тажик чек арачыларына таратабыз,- деди Баткен облустук чек ара башкармалыгынын башчысынын биринчи орун басары Кыялбек Төлөнбаев.
Кыргыз-Тажик чек арасынын узундугу 970 чакырым. Мунун ичинен 450 чакырымга созулган тилке алигүнчө тактала элек.
Булак: “Майдан”
КОММЕНТАРИЙ КАЛТЫРУУ