Эр Төштүк эпосунда айтылат го: «Отко салса күйбөгөн, сууга салса чөкпөгөн» деп. Азыркы замандын «жомок сөзү» менен айтканда «Супермен» десек болот окшойт. Андыктан Кыргызстандагы көптөгөн «супермендер» бар. Алардын анабашында Жантөрө Сатыбалдиев деген «лөк» турат. Анын артынан не деген гана кептер, имиштер ээрчиген менен дайыма артын кабаттап жаап кетет. 2010-жылдагы июнь окуяларында, «Ош, Жалал-Абад шаарларын кайра калыбына келтирүү дирекциясында» жетекчилик кылып туруп жабыркагандар үчүн курулган үйлөрдү сапатсыз «соктурганы» боюнча кылмыш ишинде да бүдөмүк жана божомол кылып атып эле кутулуп кеткенсиген. Эми болсо ТЭЦ маселесинде кулагы эмес, бакыйып эле башы көрүнүп калды. Бирок, айла качып кутулбаган Жантөрө Сатыбалдиев бул жерден да жоопкерчиликтен качуунун амалы менен ар кандай жолдорду издөөдө. Ырас, бийлик менен сүйлөшүү максатында болгон аракетин жумшаса дагы ажого жолуга алган жок. Эми качууну пландап жатканы айтылууда. Кайсы сууну кечет болду экен?
Булак: De-Факто
КОММЕНТАРИЙ КАЛТЫРУУ