Бүгүн, 17-июнда кыргыз журналисттери Атамбаевдин режими учурундагы УКМКнын төрагасы Абдил Сегизбаевди Бишкекте соода кылып жүргөн жеринен сүрөткө тартып алышыптыр. Азыр ал фотолор социалдык тармактарда кеңири жайылтылууда. Буга чейин айрым кыргыз гезиттери Абдил Сегизбаев чет өлкөгө качып кетиптир деп жарыялашкан. Ошондо Сегизбаев чет элден кайтып келдиби же дегеле чыга элекпи?
Абдил Сегизбаев УКМКнын төрагасы болуп турганда Кыргызстанда саясый куугунтуктар мурда болуп көрбөгөндөй күчөп, 30дай саясый туткундар пайда болгон. Көпчүлүгү мыйзамсыз тыңшоолордо жазып алынып, монтаждалган аудиороликтердин негизинде айыпталып, жабык сот артында узак мөөнөттөргө кесилип кетишти.
КОММЕНТАРИЙ КАЛТЫРУУ