Чынын айтыш керек, коррупцияга каршы күрөш күчөдү. Үлкөн кызматты аркалаган чиновниктерге укурук салынып, түрмөгө отургузула баштады. Мына эки экс-премьер СИЗОдо жеп-ичкендерине жооп бере турган болууда. Дагы алдыда камала тургандар кезек күтүп жатышат. Мурдагы жаратылыш ресурстар министри болгон Замирбек Эсенаманов менен геология жана минералдык ресурстар агенттигинин жетекчиси болуп иштеген Учкунбек Ташбаевге карата кен байлыктарына болгон лицензияларды оңду-солду берип, мамлекетке ири өлчөмдө зыян келтиргени боюнча коррупцияга байланыштуу козголгон кылмыш иши аягына чыкпай «кимди-ким көрдү, Быржыбайды там басты» болгон. Эсенаманов эркиндикте эч нерсе болбогондой тайраңдап жүрөт. Ташбаев болсо «Ихлас» курулуш фирмасын иштетип, кылы кыйшайган жери жок.
Булак: “Фабула”
КОММЕНТАРИЙ КАЛТЫРУУ