«Азаттыктын» кабарчысы Улан Эгизбаев биздин гезитке берген маегинде «Көрүстөндөгү коррупция тууралуу иликтөөбүз Кыргызстанда чоң резонанс жаратты. Тиешелүү органдар териштире башташты. Депутаттар парламентте да көтөргөнү жатышат. Биз көр саткандардын жүзүн фактылар менен ачып көрсөттүк. Мени көрүстөн жетекчилери ушу күнгө чейин коркутуп-үркүтүп жатышат» деген эле. Бул боюнча биз да кошумча иликтөөнү баштадык. Бишкектин аза кызматтары агенттигинин директору Аскербек Алиев «Көрүстөндөгү жагымсыз окуялар мен келгенге чейин болгон. Ага мен анча териккен жокмун. «Азаттыктын» кабарчысы Улан Эгизбаевди коркутуп-үркүткөн тууралуу дооматы суу кечпейт. Ким коркутуп атса аны ачык эле айтсын» деди. Көрүстөндөгү коррупция, а жерде иттин өлүгү каерде катылып турганы боюнча гезитибизге кенен-кесир маек берди. Аны жакынкы саныбызга жарыялайбыз.
Булак: “Азия ньюс”
КОММЕНТАРИЙ КАЛТЫРУУ