Башкы прокуратура Жогорку соттун үч судьясына жана бул соттук органдын аппаратынын, Бишкек шаарындагы №1 тергөө абагынын кызмат адамдарына карата кылмыш ишин козгоду. Алар «адамды камакта мыйзамсыз кармап турушкан» деп айыпталууда. Кылмыш ишин иликтөө Улуттук коопсуздук боюнча мамлекеттик комитеттин (УКМК) Башкы тергөө башкармалыгына өткөрүлүп берилди. Ал ортодо Жогорку соттун төрайымы Айнаш Токбаева пресс-конфренция берип, укканын адамдын кулагын үркүтүп, «сотторго элдин ишеними өсүп жатат» деп балп этти. Көз ирмебестен каратып туруп «ышкырткан» төрайымдын жоругу коомчулукта кызуу талкууланып, мындай деңгээл менен кантип Жогорку соттун төрайымы болуп отурат деген ачуу сындар айтылды.
Булак: “Ачык саясат”
КОММЕНТАРИЙ КАЛТЫРУУ