Жол кыймылынын коопсуздугун камсыздоо башкармалыгы (ЖКККБ) жазалоо укуктарынан ажыратылат. Бул тууралуу премьер-министр Мухаммедкалый Абулгазиев Ысык-Көлгө жасаган жумушчу сапары учурунда: «Мен ЖКККБга бузууларды аныктоо укуктарын гана берүү пикирин карманам. Бул аркылуу алар жол кыймылынын коопсуздугун камсыздоого жооптуу болушат, ал эми таякча менен туруп алып, бузуучуларды аныктоо, пара талап кылуу мүмкүндүгү жоголот» – деп билдирип, “Коопсуз шаар” долбоорунун алкагында башкармалыктын ишмердигин кескин өзгөртүү чаралары каралганын белгиледи. Коомчулукта болсо «ансыз да МАИлерди тоготпогон жарандар, эми такыр киши катарына көрбөй калат» экен деген пикирлер айтылууда.
Булак: “Фабула”
КОММЕНТАРИЙ КАЛТЫРУУ