“Мэр Албек Ибраимов 10-июлда өзү отпускага кетип баратканына байланыштуу мени мэрдин милдетин аткаруучу кылып дайындап кеткен, мен 2-3 күндөн бери мэрдин милдетин аткарып жатам”, – деп билдирди вице-мэр Бакыт Дүйшөмбиев бүгүн, 13-июлда өтүп жаткан Бишкек шаардык кеңешинин кезексиз сессиясында.
Депутаттар шаардын мэри Албек Ибраимовго шаарда түзүлгөн абалга байланыштуу ишеним көрсөтпөө процедурасын өткөрүүнү сунуш кылышып, ал дээрлик бир добуштан кабыл алынды. Азыр добуш берүү процедуралары даярдалып жатат.
“Мэрдин жумушу жай мезгилинде күчөйт, көчөлөрдү асфальтташ керек, суу маселелерин чечиши зарыл, дагы толгон-токой проблемалар бар, анан ушул учурда мэрдин отпускага кетип калганы туурабы?”, – деп билдирди Бишкек шаардык кеңештин төрагасы А.Кененбаев журналисттерге.
КОММЕНТАРИЙ КАЛТЫРУУ