Түркиянын Кыргызстандагы элчиси Женгиз Камил Фырат Кыргызстандагы “Сапат” билим берүү мекемеси жабылса, Түркия ордуна альтернатива катары мамлекеттик “Маариф” фонду аркылуу башка мектептерди ача турганын билдирди. Ал бул туурасында:
– “Себат” же азыр “Сапат” деп аталган мектептер боюнча талаптарыбызды кыргыз тарапка бердик. Бул боюнча кыргыз тарап кандай чечим кабыл аларын учурда күтүп жатабыз. Быйыл сентябрь айында биздин президент Бишкекке келет. Мына ошондо айрым маселелер чечилиши мүмкүн, – деп айтты. Түрк элчисинин айтымында, “Маариф” фонду Кыргызстанда мектеп ачса, “Сапатка” караганда мугалимдерге көп маяна төлөп, окуучуларды аларга караганда арзаныраак окутат. Бул жагдайга байланыштуу айрымдар Түркия Кыргызстандын ички ишине ачык эле кийлигишип, көрсөтмө берүүдө деп сынга алышты.
Булак: “Фабула”
КОММЕНТАРИЙ КАЛТЫРУУ