Menu

Тажикстанда качып кеткен милиционерге эл аралык издөө жарыяланды

Бөлүшүү:

Тажикстандын Хатлон облустук прокуратурасы Дусти райондук ички иштер башкармалыгынын маңзат сатууга каршы күрөшүү бөлүмүнүн кызматкери Махмадулло Идиевге эл аралык издөө жарыяланганын билдирди.

Маалыматка караганда, ал шектүү катары кармалган жергиликтүү тургун Толибжон Дустовдун өлүмү боюнча «Кызмат абалын кыянат пайдалануу» беренеси менен айыпталууда.

Идиевге каршы кылмыш иши Башкы прокуратура тарабынан былтыр жайында козголгон. Декабрда ага расмий айып тагылып, соту быйыл январда башталган.

Прокурордун айтымында, Махмадулло Идиев ооруп жатканын айтып, 20-июндагы сот отурумуна келген эмес. «Соттолуучу качып кетиптир, азыр кайсыл жерде экендиги белгисиз. Ал каякта болбосун, кармалары менен камакка алынат. Эгер өлкө сыртынан кармалса, анда аны экстрадициялоого аракет кылабыз», — деди Насрулло Махмудзода.

​Толибжон Дустов былтыр июлдун аягында маңзат сатууга шектелип кармалган. Бир нече күндөн кийин анын сөөгү коңшу райондогу ооруканада табылган.

Прокурор кызмат абалын кыянат пайдалануу беренеси менен айыпталып жаткан Махмадулло Идиевге карата эми жаңы айыптар тагылышы мүмкүндүгүн кошумчалады.

Булак: «Борбор Азия жаңылыктар кызматы»

Эгер бул тексттен ката таап калсаңыз, ошол ката сөздү белгилеп, Ctrl+Enter кнопкаларын чоогу басуу менен билдирип коюңуз.

КОММЕНТАРИЙ КАЛТЫРУУ

Төмөндө көрсөтүлгөн уячаларга керектүү маалыматтарды туура киргизгениңизди текшериңиз.HTML-код киргизүүгө уруксат жок.

Captcha − 2 = 8

ОКШОШ МАКАЛАЛАР

Меню

Орфографиялык ката тууралуу Отчет

Редакцияга төмөнкү текст жөнөтүлөт: