1-августтан тарта Өзбекстанда Илимдер академиясынын башкармалык аппаратынын жумушчуларынын айлыгы эки эсеге жогорулайт. Бул тууралуу Norma.uz басылмасы өлкө президентинин тиешелүү токтомуна таянып жазды.
Андан тышкары 1-сентябрдан тарта жогорку окуу жайлардын илимий-изилдөө мекемелеринин жана профессордук-окутуучулук курамынын маянасы орточо эсеп менен 25% көбөйөт.
Ошондой эле ээлеген кызматына жана илимий ишмердүүлүгүнүн багытына жараша илимий-изилдөө мекемелердин инженердик-техникалык кызматкерлеринин айлыктары 30 пайыздан 100 пайызга чейин жогорулатылат.
Аны менен катар жогоруда аталган бардык категориялар боюнча маяналар 2019-жылдын 1-январынан тарта 20%, 2019-жылдын 1-июлунан 25% көбөйөт.
Булак: «Борбор Азия жаңылыктар кызматы»
КОММЕНТАРИЙ КАЛТЫРУУ