Өткөн жумада чыккан гезитте кадрларды ротациялоону кечеңдетпей баштоо керектигин бийлик башчыларына эскерткенбиз. Тилегибиз орундалып, Ысык-Көл облусунун биринчи адамы – Узарбек Жылкыбаевди Ош облусуна жетекчи кылып жиберишкени кыйла көңүлдү көтөрүп койду. Эми анын ордуна түштүктүн камчы сапка жарактуу мырзаларынан тандап туруп, ишке орноштурушса мезгилдин талабын аткарган болушмак. Эмнеси болсо да, алгачкы карлыгачтар туурга коно баштаганын жакшылыктын жышааны катары кабылдасак болот. Узарбек болсо эми өзүнүн дараметин жалпы элге айгинелеши кажет. Анткени илгери далай мыкты көлдүк инсандар кызматына ак пейилден мамиле кылгандыктан түштүктөн байгелүү узатылган. Ошол традицияны улантууга кезек келген шекилди.
Булак: Ачык сөз
КОММЕНТАРИЙ КАЛТЫРУУ