Жыргалбек Турускулов жердештеринин айыптоолоруна үн катпайбы?

Апта башында Жумгал районундагы айылдык кеңештин депутаттары борборго келип өткөргөн маалымат жыйынында Жогорку Кеңештин депутаты Жыргалбек Турускуловду бир катар иштерге шектүү санашып, түрдүү айыптоолор боюнча күнөөлөштү. Айылдык кеңештин депутаттары колундагы жүйөлөрү жөн эмес экендигин, Турускулов «Республика – Ата Журт» фракциясынын лидери катары райондогу көз кызарткан орундарга өздүк кадрларын таңуулоо менен түртүп жатканын бир ооздон баса белгилешти. Саяктардын чамынып, Турускуловго карата бир нече айыптоолорду көтөргөнү жөн эмес окшойт. Буларың оңой менен бирөөгө катылышпаганын эске алганда, береги каарманыбыз деле билген боткосун чалып жатканбы? Жердештеринин айыптоолоруна үн катпаса, аброюна көлөкө түшүп калат го?

Булак: “Азия Ньюс”