Данияр Усенов 2016-жылы өзүнүн анкеталык маалыматтарын өзгөртүп, Даниил Урицкий аттуу ысым менен Белоруссиянын паспортун алганы белгилүү болгондон кийин 2017-жылы 14-декабрда КР Генпрокуратурасы Белоруссиянын генпрокуратурасына Данияр Усеновду Кыргызстанга өткөрүп берүүнү расмий суранган. Бул тууралу бүгүн, 30-июлда генпрокуратуранын басма сөз кызматы билдирет.
Бирок, Белоруссиянын генпрокуратурасы 2018-жылдын 6-мартында Даниил Урицкийди – Данияр Усеновду Укуктук жардам… боюнча 2002-жылдын 7-октябрындагы конвенциянын 21-беренесине шилтеме берип, Кыргызстанга өткөрүп берүүдөн расмий баш тарткан.
Буга карабай КР Генпрокуратурасы ошол эле март айында кайрадан Белоруссияга Данияр Усеновду Кыргызстанга өткөрүп берүү тууралу кат жазып, жообун күтүп олтурат.
Булак: Кyrgyztoday.кg
КОММЕНТАРИЙ КАЛТЫРУУ