Menu

Подмосковьеде өзбекстандык 26 мигрант ууланып, бирөө каза болду

Бөлүшүү:

Подмосковьеде курулушта иштеген 26 өзбекстандык мигрант ууланды. Бул тууралуу РИА Новости Москва облустук саламаттык сактоо башкармалыгынын басма сөз кызматына шилтеме кылып жазды.

Орусиялык басылмалардын маалыматына караганда, уулангандардын 23ү ооруканага жаткырылды. Дагы бирөөсү тез жардам келгенче каза болсо, экөөсү ооруканага жатуудан баш тарткан.

«Жалпысынан 26 киши ууланып, өздөрүн жаман сезип жаткан 23ү ооруканага жаткырылды. Учурда алар бардык зарыл болгон медициналык жардамды алып жатышат. Жабыркагандардын экөөсү ооруканага жатуудан баш тартса, бирөөсү тез жардам барганга чейин каза болуп калган», – деп билдиришти облустук саламаттык сактоо башкармалыгынын басма сөз кызматынан.

Москва облусунун саламаттык сактоо министри Дмитрий Марковдун айтымында, окуя болгон жерде жети тез жардам бригадасы жана Медицина борборунун эки бригадасы иштеген.

Басылманын өз булактары кабарлашкандай, өзбекстандык куруучулар 18-августта эле тамактангандан кийин өздөрүн жаман сезе башташкан, бирок өз алдынча дарыланып көрүүнү чечишкен. Аларга болжолдуу түрдө гастроэнтерит деген диагноз коюлду.

Булак: “Борбор Азия жанылыктар кызматы”

Эгер бул тексттен ката таап калсаңыз, ошол ката сөздү белгилеп, Ctrl+Enter кнопкаларын чоогу басуу менен билдирип коюңуз.

КОММЕНТАРИЙ КАЛТЫРУУ

Төмөндө көрсөтүлгөн уячаларга керектүү маалыматтарды туура киргизгениңизди текшериңиз.HTML-код киргизүүгө уруксат жок.

Captcha 6 + = 9

ОКШОШ МАКАЛАЛАР

Меню

Орфографиялык ката тууралуу Отчет

Редакцияга төмөнкү текст жөнөтүлөт: