Кыргыз Республикасынын жазык-аткаруу тутумунун түзөтүү мекемелеринин ички тартибинин Эрежелери бекитилди. Бул туралуу өкмөттүн басма сөз кызматы маалымдады.
Тиешелүү чечимге Кыргыз Республикасынын Премьер-министри Мухаммедкалый Абылгазиев кол койду.
Бул чечим жаңы редакциядагы Кыргыз Республикасынын Жазык-аткаруу кодексин, ошондой эле «Жазык-аткаруу (пенитенциардык) тутумунун органдары жана мекемелери жөнүндө» Кыргыз Республикасынын Мыйзамынын 39-беренесин ишке ашыруу максатында кабыл алынды.
Белгилей кетүүчү жагдай, Кыргыз Республикасынын Жазык-аткаруу кодексинин 81-беренесинде белгиленгендей, жазык-аткаруу мекемелеринде Кыргыз Республикасынын Өкмөтү тарабынан бекитилген түзөтүү мекемелеринин ички тартибинин Эрежелери иштейт.
Бекитилген жазык-аткаруу тутумунун түзөтүү мекемелеринин ички тартибинин Эрежелери Кыргыз Республикасынын Жазык-аткаруу кодексинин 74, 75, 76, 78, 79, 81, 82, 89, 90, 92, 118, 163-беренелеринде орун алган жазык-аткаруу мүнөзүндөгү жаңы киргизүүлөрдү эске алуу менен иштелип чыккан.
КОММЕНТАРИЙ КАЛТЫРУУ