Өзбекстанда мамлекеттик кызматкерлер мындан ары ишемби күнү 17:00гө чейин иштешет, жекшемби күнү эс алышат. Бул тууралуу президент Шавкат Мирзиёев дүйшөмбүдө өткөн жыйында билдирген.
2017-жылы жазында мамлекет башчы өлкөнүн жетекчи курамы үчүн күчөтүлгөн тартиптеги иш режимин киргизген. Ташкент жана башка шаарлардын жашоочулары мамлекеттик мекемелердин терезесинде жарык түн жарымына чейин өчпөй турарын айтып келишкен.
Дүйшөмбүдө өткөн жыйында президент ишемби күнү иш 17:00гө чейин уланарын, жекшембини кызматкерлер үй-бүлөсү менен өткөрүшү керектигин билдирген.
Шавкат Мирзиёев мамлекеттик органдарда жыйындардын санын жана убактысын кыскартууну, керексиз отчетторду жана маалыматтарды чогултууну токтотууну талап кылган.
Булак: «Борбор Азия жаңылыктар кызматы»
КОММЕНТАРИЙ КАЛТЫРУУ