Жайы менен чер жаза эс алган Асылбек Жээнбеков ажылыкка да барып келип, эми саясый кырдаалга анализин жасап аткан чагы. Баштагы үмүттөрдү өкмөт актай албаганына ынандыкпы? Биздин угушубузга караганда, Асылбек Жээнбеков иш жүзүндө реалдуу иштердин өтөөсүнө чыга албаган Абылгазиевге жана бир катар министрлерге нааразы болгону, жакында өзгөрүүлөргө кадам таштай турганы ыраспы? Коррупцияга каршы күрөшүү солгундап (кайра өздөрү салык жаатынан шектелгени), экономикалык-социалдык абалыбыз начарлаганы, дээрлик өлкөнүн жүгүн тартууда өкмөттүн кудурети жетпей атканы, жыйынтыгында, мындай ыргылжың жүрүштүн баары кадр саясатынын начарлыгына барып такалганын ажыратып таанууга болот. Эгерде мындай темп менен кете беришсе, жакында эл талап коёт эй, эмнени кыйратканы боюнча, туурабы? Андыктан, башкасы тымпыйып отурганда тоңгон музду Асылбек Жээнбеков көшөгө артынан жарса, карапайым калк мүдөөсүндөгү демилгелүү премьер-министрди, жаңы министрлер кабинетин апкелишсе, көпчүлүк колдоп кетпейби?
Булак: «Азия ньюс»
КОММЕНТАРИЙ КАЛТЫРУУ