Көз карандысыздык күн

Өзбекстан. Коңшу Өзбекстан­да көз карандысыз күнү ар жыл сайын 1-сентябрда белгиленет. 1991-жылы Москвадагы август төңкөрүшү ийгилик­сиз аяктаган соң Өзбекстандын прези­денти маркум И. Каримовдун демилге­си менен ошол жылы 31-августта Өзбек ССРнын Жогорку Советинин кезексиз сессиясы чакырылып, 1-сентябрь – Өз­бек Республикасынын көз карандысыз күнү болуп жарыяланган. 5-сентябр­да Ислам Каримовдун жарлыгы менен Ташкент шаарындагы Ленин атындагы борбордук аянт Мустакиллик (Көз ка­рандысыздык) аянты болуп өзгөргөн.

(Айтмакчы, Өзбекстан быйыл Эге­мендүүлүк майрамы алдында бирин­чи жолу чек арада Тажикстан жаран­дарынын өтүүсүнө чектөө киргизбейт. Бул тууралуу «Asia-Plus» агенттиги Та­жикстандын күч түзүмдөгү өз булакта­рына таянуу менен билдирди.

Ал эми буга чейин өзбек тарап тажик жарандарынын чек арадан өтүүсүнө чектөө киргизилери тууралуу Эгемен­дүүлүк майрамына бир ай калганда бил­дирүү жөнөтчү.)

Таджикистан. Таджикистан өл­көсү өздөрүнүн көз карандысыздык күнүн 9-сентябрда белгилеп келишет. 1991-жылы 9-сентябрда Тадикстан Жогорку Советинин 12-кезексиз сес­сиясы чакырылып, анда 9-сентябрь Таджик Республикасынынын көз ка­рандысыздык күнү болуп белгиленген.

Түркмөнстан. Түркмөнстандагы АНТ («Альтернативные новости Туркме­нистана») көз карандысыз басылмасынын билдирүүсү боюнча Ашхабад шаарындагы «Дагдан» стадионунда 27-сентябрда бел­гиленчү Түрмөнстандын эгемендик май­рамына карата даярдыктар болуп жатат.

Буга чейин Түрмөнстан өздөрүнүн эге­мендигин Түркмөн ССРнин Жогорку Со­ветинин 27-октябрь, 1992-жылы чыга­рылган констиуциялык мыйзамынынын негизинде ар жылдын 27-28 октябрында белгилеп келишкен. Быйылдан тарта алар өздөрүнүн эгемендик майрамын 27-сен­тябрда бүткүл элдик майрам катары бел­гилешмекчи.

Казахстан. Мурдагы Союз­дук республикалардын ичинен акыркылардан болуп Казахстан өзүнүн суверендүүлүгү тууралуу Декларацияны 1991-жылы 16-де­кабрда кабыл аган. Ошондон тарта бул күн Казахстандын көз карандысыз күнү катары белги­ленип келет.

Көз карандысыздык демекчи…

Бизге чейин, 24-август күнү Украина өзүнүн эгемендик күнүн белгиледи. (Украина өз алдынчалыгын СССР расмий чачыраардан төрт ай мурда, 1991-жылы 24-августта жа­рыялаган.) Ушул 24-август күнү Киевдин башкы көчөсүн­дө аскердик парад болуп, ал парадга Украина өзүнүн 4, 5 миң аскери, 250дөй аскердик техникасы жана 18 чет өл­көдөн келген 300дөй жоокер катышты. Айтмакчы, майрам­дык иш чарада Украинанын президенти Петро Порошен­ко: «Украина орус империясы менен бардык байланышын үздү» деген пикирин бир топ дүйнөлүк массалык –маалымат каражаттары жазып чыгышты.

Булак: “Айгай”