Түштүк –Чыгыш Азия аймагындагы аралчада Филлипин деген мамлекет бар. Өнүгүп келе жаткан Азиядагы өлкөлөрдүн бири. Өзү унитардык мамлекет. Президенттик республика. Бул өлкөдө Улуттук идеология деген катуу. «Кудай үчүн, мамлекет үчүн, жаратылыш үчүн жана Мекенибиз үчүн!» деген девизди баары мыйзам, милдет катары тутунушат. Өткөн жылы болсо керек, аталган өлкөнүн президенти Родриго Дутерте момундай буйругун чыгарган: «Филлипин Республикасынын ар бир жараны биздин мамлекетибиздин гимни ойнолуп жатканда жөн эле ооздорун ачып кыбыратып койбостон,( мисалы, биздин Кыргызстандын чиновниктериндей болбой) эмоция менен, терең толкундануу менен чогуу ырдашы керек. Кимде-ким антпесе 2 миң доллар айып тартат.
Гимн демекчи, сөздүн түз мааниси менен айтканда ушу жуманын башында Жогорку Кеңештин депутаттары жумуш күндөрүн баштай элек жатып каттуу уят болушту.Бир-эки эл өкүлүн эсептебегенде дээрлиги мамлекеттик гиминдин текстин билишпээри ачыкталды. Кыргыз парламентинде жаңы эле гимн ырдалып, сессия ачылгандан кийин «Апрель» телеканалынын журналисттинин эл өкүлдөрүнө кайрылып «Гиминдин текстин билесизби?» деген суроосу так айтканда алардын абийлерин ачты. Ансыз деле жакшы эмес аңыз кептерге баткан эл өкүлдөрүнүн мындай дараметтери далайыбызды капа кылды. Ал сюжетти бүтүн Кыргызстан көрдү.Сөгүнүп, сагынып, каргап-шилеп тим болсо керек далайы. «Эшектин тушагын чечкенге жарабагандар» десе!Эгер гимндин текстин эл башында делген «тандалмалар» билбесе, карапайым эл жөнүндө, мамлекеттик идеология жөнүндө кантип сөз кылабыз? Негедир эле акыркы тапта Кыргызстандын билик сересиндегилердин кылгандары да,айткандары да баары «болтовня» өңдөнөт. Канттик?
«Айгай-пресс»
КОММЕНТАРИЙ КАЛТЫРУУ