Мечиттердин салынышына мамлекеттин эч кандай тиешеси жок. Бир гана жолу Бишкектин борбордук мечитин курууда мурдагы президент Акаев акча бөлүп салынган. Андан башка бюджеттен акча бөлүнгөн эмес. Экинчиден, мечитте “мектепке барбагыла” деген агитация жүрүп жатса, анда башка кеп. Ал эми төраганын сөзү тууралуу айтсак, биз жалаң эле мусулмандар жашаган мамлекет эмеспиз: атеисттер, теңирчилер, христиандар бар. Мамлекет башчысы же өкмөт башчысы сүйлөгөндө “келгиле, муфтият айткандай кылсак оңолобуз” деген туура эмес. Мисалы, муфтиятка православдар баш ийбейт. Ошондуктан светтик өлкөнүн башчысындай сүйлөш керек.
Гүлмира Шаршеева
Булак: “Фабула”
КОММЕНТАРИЙ КАЛТЫРУУ