Menu

«Ысык-Көл-Антитеррор-2018» машыгуулары башталды

Бөлүшүү:

25-сентябрда КМШга мүчө мамлекеттердин компоненттүү органдарынын “Ысык-Көл-2018” машыгуусу башталды. Бул тууралуу Улуттук коопсуздук боюнча мамлекеттик комитетинин (УКМК) маалымат бөлүмү кабарлады.

Анын жүрүшүндө “Ысык-Көл” эл аралык аэропортунан барымтага алынган учакты кондурууга мажбурлоо, тероррчулардын иш-аракеттерине бөгөт коюу жана барымтага алынгандарды бошотуу боюнча терроризмге каршы операциясы аткарылды. Аны УКМКнын, куралдуу күчтөрдүн башкы штабы, ИИМдин атайын бөлүмдөрү менен биргеликте жүргүздү.

Мындан сырткары ӨКМдин бөлүмдөрү теракт кесепеттерин минималдаштыруу иш-аракеттерин өткөрүштү. Анын алдында террорчулукка каршы машыгуулардын алкагында Чолпон-Атада жыйын өттү.

26-сентябрда “Эдельвейс” полигонунда Кыргызстандын чек арасы аркылуу келген мыйзамсыз куралданган террористтерди жок кылуу боюнча аскер операциясы өткөрүлөт. Анда Кыргызстандын жана Орусиянын Куралдуу күчтөрүнүн авиациялык тобу катышат.

Машыгуу 2017-2019–жылдарга карата түзүлгөн терроризм жана экстремизмдин башка зомбулук көрүнүштөрү менен күрөшүү боюнча КМШга мүчө мамлекеттердин кызматташуу программасына ылайык өтүп жатат. Ага Армения, Беларус, Казакстан, Кыргызстан, Орусия, Тажикистан жана Өзбекстандын күч кызматтарынын өкүлдөрү катышууда. Машыгуулардын биринчи этабы ар бир өлкөнүн өзүндө өткөн.

КМШга мүчө мамлекеттердин компоненттүү органдарынын биргелешкен терроризмге каршы машыгуулары Кыргызстанда үчүнчү жолу өтүп жатат. Буга чейин 2001-жылы Ош шаарында, 2013-жылы Бишкек шаарында өткөн.

Булак: “Борбор Азия жаңылыктар кызматы”

Эгер бул тексттен ката таап калсаңыз, ошол ката сөздү белгилеп, Ctrl+Enter кнопкаларын чоогу басуу менен билдирип коюңуз.

КОММЕНТАРИЙ КАЛТЫРУУ

Төмөндө көрсөтүлгөн уячаларга керектүү маалыматтарды туура киргизгениңизди текшериңиз.HTML-код киргизүүгө уруксат жок.

Captcha 77 + = 86

ОКШОШ МАКАЛАЛАР

Меню

Орфографиялык ката тууралуу Отчет

Редакцияга төмөнкү текст жөнөтүлөт: