Кечээ, 21-октябрда Кыргыз Республикасынын Кытай Эл Республикасындагы Элчилиги Пекин шаарынын Олимпиадалык паркынын стадионунда өткөн Эл аралык кайрымдуулук «Сүйүү чек билбейт» аттуу жармаӊкесине катышты. Эл аралык кайрымдуулук жармаңкеси Кытай Эл Республикасынын Мамлекеттик Кеӊешинин мүчөсү, Тышкы иштер министринин жубайы Цянь Вэй айымдын колдоосуу менен жылдык маареке болуп саналат.
Бул мааракеге Кытайдагы 90го жакын чет өлкөлөрдүн дипломатиялык жана эл аралык уюмдардын өкүлдөрү, андан тышкары 60 кытайлык компаниялардын жана ишканалардын өкүлдөрү катышты.
Эл аралык кайрымдуулук жармаңкеге Кытай Эл Республикасынын Мамлекеттик Кеӊешинин мүчөсү, Тышкы иштер министри Ван И жана КЭРнын Тышкы иштер министрилигинин башка жетекчилери жана өкүлдөрү катышты.
Айтылган жармаңкеде катышуучулар өздөрүнүн салтын жана маданиятын көрсөтүүдөн тышкары, өздөрүнүн улуттук буюмдарын, улуттук тамак-аштарын, суусундуктарын жана элдик чеберчилик буюмдарын сатууга коюшат. Чогулган каражаттар Кытай Эл Республикасынын Ганьсу провинциясынын кедейдик муктаж райондоруна жөнөтүлөт.
КОММЕНТАРИЙ КАЛТЫРУУ