“Разминка” муну менен бүтпөйт

Өткөндө азыркы күндө жылуу кабарды чыдамсыздык менен күтүп жаткан Өмүрбек Бабановду Кыргызстанга кайтаруу боюнча өтүнүчтү Жогорку Кеңештин депутаты Руслан Казакпаев демилгелеп чыккан. Бирок, бийлик тараптан эч кандай шыбыш угула элек. Антсе да мурдагы лидердин үмүтүн жандыруу “разминкасы” ушуну менен эле бүтүп калбастыр деген ишеним бар. Парламенттеги башка санаалаштары деле “кнопканы” чырылдатып баса бериши зарыл. Эгерде коомчулуктагы каңшаарларга кулак төшөсөк жылдын этегине чейин ушул “күйүттүү” маселе өлкөнүн биринчи адамы тарабынан оң жакка чечилерине күдөр үзүлө элек. Ким билет, эгерде тил табышса Өмүкеге жол ачылып кетери бышык. Анда эле добуш берген шайлоочулары өх, дей түшмөк.

Булак: “Ачык сөз”