Бүгүн, 25-октябрда Жогорку Кеңештин кезектеги отурумунда депутат Ормонов Улугбек мамлекеттик мүлктөрдү башкаруу боюнча сөз козгоду.
“Өкмөткө “Мамлекеттик мүлктөрдү башкаруу боюнча кандай иш-чаралар бар?” деген кат жаздым эле. Түшүнүксүз жооп алдым. Деги эле мамлекеттик мүлктү башкаруу кимдин колунда? Кантип башкарып жатышат? Ысык-Көлдүн жээгинде улутташтырылган, мамлекеттин менчигине өткөн пансионаттар бар. Алардын кирешеси канча? Кимдер көзөмөлдөйт? Ушул суроолор боюнча иш алып барсаңыздар. Мындан тышкары мүлк фондунун жетекчилигинин кызмат орду боюнча дагы карасаңыздар.” – деди депутат.
Учурда Эмгек жана социалдык өнүктүрүү министрлигине талапкер Улукбек Кочкоров менен Маданият, маалымат жана туризм министрлигине талапкер Азамат Жаманкуловго суроолор берилүүдө.
КОММЕНТАРИЙ КАЛТЫРУУ