23-октябрда саат 11:30 чамасында Сузак районунун Кызыл-Туу айыл аймагынын Акчалуу айылында жер көчкү түшүп, Ачы-Сай сайын бөгөп калды.
Учурда ӨКМдин облустук башкармалыгынын ыкчам тобу жана райондук Жарандык коргонуу комиссиясы тартылып, тактоо иштери жүрүп жатат. Турак үйлөргө коркунуч жаралган жок.
Белгилей кетсек, Кыргызстанда 1990-2016-жылдар аралыгында 500гө жакын жер көчкү катталса, 2017-жылдын 4 айында эле 129 жер көчкү катталып, анын 63ү өзгөчө кырдаалды жаратты. Былтыры табигый кырсыктардан 45 адам каза болгон. ӨКМден билдиришкендей, активдешкен 359 жер көчкүгө мониторинг жүргүзүлүп, эл арасында түшүндүрүү иштери жүргүзүлүп келет.
Булак: «Жаңы Ордо»
КОММЕНТАРИЙ КАЛТЫРУУ