23-октябрда ИИМнин баңгизатты мыйзамсыз жүгүртүүгө каршы күрөшүү кызматынын кызматкерлери баңгизатына автоунаа алмаштырып жаткан жаранды колго түшүрүштү. Бул тууралуу ИИМнин басма сөз кызматынан билдиришти.
Ыкчам кызматкерлерге азият улутундагы 20-25 жаштар чамасындагы жаран баңгизатына унааны алмаштырууну көздөп жүргөндүгү тууралуу маалымат келип түшкөн.
Ыкчам иликтөө башкармалыгынын кызматкерлери тарабынан өткөрүлгөн иш- чаралардын натыйжасында 23-октябрь күнү Чүй облусунун Аламүдүн районунда «Тойота» үлгүсүндөгү автоунааны «гашиш» баңгизатына алмаштыруу учурунда Жалал-Абад облусунун тургуну, 1997-жылы туулган М.Т. аттуу жаран кармалган. Ал кызматкерлерге скотчтолгон бангизатты өз ыктыяры менен тапшырып берген.
Аталган факты боюнча Кыргыз Республикасынын кылмыш-жаза кодексинин 247-беренеси менен кылмыш иши козголду. Учурда жогорудагы кылмышка тиешеси бар башка жарандарды кармоо боюнча ыкчам-иликтөө иштери жүрүп жатат.
КОММЕНТАРИЙ КАЛТЫРУУ